🌞 *हे प्रज्ञा सुर्य हे क्रांती सुर्य ...!*

       *डॉ मिलिन्द जीवने 'शाक्य',* नागपूर 

        मो. न. ९३७०९८४१३८

हे प्रज्ञासुर्य हे क्रांतीसुर्य तुच अमुचा हे महासुर्य

अंधारी आडोशी किरणांचा तुच झाला हे ज्ञानसुर्य...

हे तोंडा गाडगे आणि पाठीमागे फडा 

आमच्या आयुष्याचा होता रे तो गडा

भिखेचा कटोरा आणि अस्पृश्येचा वाटा

ह्याला संविधानाने फाटा दिलास रे तु...

अबकड इतिहासाला पोरके रे आम्ही

शिक्षणा गंधाचा गुलाब तुचं दिला रे तु

गुरे ढोरे खेचणे आणि हमाली करणे

ह्याला ही न्याय तुचं आम्हा दिला रे तु...

स्त्रीयांची गुलामी आणि देवाची दासी

भोग विलासीची होती रे ती मोठी खाण

हिंदु कोड बिलातुन करुन रे तु क्रांती

ह्या समानतेचा अधिकारी झाला रे तु...

काळा गंडा आणि देवाच्या कृपेची

आम्हा झाली होती रे बुध्दीची खंडी

पण तुझ्याच ज्ञानातुन तुझ्याच क्रांतीतुन

बुध्द आम्हा अशोका विजया दशमी दिला रे तु...

हे जातीभेद आणि धर्म-धर्माच्या भिंतीतुन 

देशाला बाहेर काढतांना बदला ना घेतला रे

धर्मनिरपेक्ष असे हे पावन संविधान देवूनी

भारताच्या विकासाचा पाया तुचं रचला रे तु...

-------------------------------------------

नागपूर दिनांक १५ आक्टोंबर २०२५