🎂 *प्रा. डॉ. यशवंत मनोहर सर ह्यांचा अमृत महोत्सव गोगा-वाद आयोजकांच्या संग... !*
        *डॉ. मिलिन्द जीवने 'शाक्य', नागपूर*
        मो.न. ९३७०९८४१३८, ९२२५२२६९२२

      ३ जुन २०१८ ... हा महत्वपुर्ण असा दिवस आहे ! प्रा. डॉ. यशवंत मनोहर सर ह्यांचा "अमृत महोत्सव समारोह" हा नागपुरच्या डॉ. वसंतराव देशपांडे सभागृहात सायं ५.०० वाजता आयोजित केलेला आहे. प्रा. डॉ. मनोहर हे नाव तर समस्त महाराष्ट्राच्या साहित्य क्षेत्रातील एक मोठे असेचं नाव आहे ! कदाचित त्यांच्या साहित्य लिखाणावर "सच्चा आंबेडकरवादी - बुध्दवादी" असण्याच्या संदर्भात काही वाद ही होवु शकतो ! परंतु "दलित साहित्यिक" म्हणुन वाद असण्याचे कारण नाही. कारण मनोहरांनी आपल्या लिखाणात मार्क्स ही जोपासला आहे ! आणि केशवसुत ही ! परंतु डॉ मनोहरांच्या साहित्य लिखाणातील विषय गांभिर्य, विद्रोह, वैचारिकता, दिशा इत्यादी भाव कोणताही टिकाकार नाकारणार नाही. तेव्हा प्रा. डॉ. यशवंत मनोहर सरांच्या "अमृत महोत्सव" वर्षा निमित्ताने त्यांचे खुप खुप अभिनंदन...!!!
      "प्रा. यशवंत मनोहर अमृत महोत्सव समिती" ह्या बँनरच्या अधिनस्त सदर सत्कार समारोहाचे असलेले आयोजन आणि त्यातही प्रा. मनोहर सरांचा जुडलेला फार मोठा मित्र परिवार, त्यामुळे सदर कार्यक्रम हा भव्य - दिव्य असाचं राहाणार आहे. परंतु सदर आयोजन समितीतील *प्रमुख आयोजक आयु. गिरिश गांधी (भाजपा), डॉ. नितिन राऊत (काँग्रेस)* ह्यांचे नित्यपणे असले "स्वागत समारंभ आयोजना"तील एकीकरण मात्र कुठे तरी स्व-मनाला टोचणी करुन जातो. ह्यापैकी एक आयोजक हे "गोलवलकर विचारवादी" तर दुसरे आयोजक हे "गांधी विचारवाद" कट्टर भाव जोपासणारे राजकिय नेते आहेत. अर्थात *"गोगा-वाद" : गोलवलकर - गांधी विचारमय वादाचा प्रभाव"* जोपासुन कोणत्याही आंबेडकरवादी - बुध्दवादीं मान्यवरांचा सत्कार समारोह हा नैतिक भाव जोपासणारा म्हणता येईल काय ? हा मात्र महत्वपुर्ण प्रश्न सहज मनात येतो. मागच्या वर्षी ह्या गोगा टीमने पालीचे गाढे अभ्यासक आणि साहित्यिक *प्रा. डॉ. भाऊ लोखंडे* ह्यांचा भव्य - दिव्य सत्कार हा वसंतराव देशपांडे सभागृहातचं आयोजित केलेला होता. तसेच अलीकडे आमचे रिपब्लिकन नेते *प्रा. जोगेंद्र कवाडे सर* ह्यांचाही भव्य - दिव्य सत्कार समारोहाचे आयोजन केले होते. आपला एक चांगला मित्र म्हणुन आपल्या प्रिय मित्राच्या अभिनंदन कार्यक्रमात सहभागी होणे, ह्याला तर विरोध असण्याचे काहीचं कारण नाही. पण ती गोगा मंडळी समारोहाचे आयोजक असणे ...? मग आंबेडकरी बाण्याचे आयोजक मेले तर नाही नां ! हा पुनश्च दुसरा प्रश्न आलाचं...! ह्याशिवाय आर्थिक नीति - अनीति हा अन्य वाद बाजुला सारू या !!
     आंबेडकरी समाजात अलिकडे *"नाचेवाद"* हा फारचं फोफावलेला दिसुन येतो. आणि प्रत्येक समारोहात ही अनैतिक नाचा टीम बिनधास्त पणे नाचतांना दिसुन येते. डॉ. मनोहर सरांचा सदर समारोह करण्याला ह्या नाचा टीमने पुढाकार हा नक्कीच घेतला असता. त्या नाच्यांना फक्त नाम - दाम ह्याच्याशी मतलब आहे. फरक एवढाच की, सदर नाच्यांचा स्तर हा फारचं लहान आहे. तर सध्याच्या आयोजक मंडळीचा स्तर फार मोठा ! काही वर्षापुर्वी डॉ. मनोहर सर आणि त्यांच्या सहपाठींनी *"पहिली जागतिक आंबेडकरवादी साहित्य परिषद"* नागपूर येथे घेण्याची संपुर्ण तयारी आणि त्याची जोरदार प्रसिद्धी ही केलेली होती. प्रा. यशवंत मनोहर सर हे सदर परिषदेचे अध्यक्ष जाहिर होवुन त्यांच्या स्वागताची बातमी दैनिकात प्रकाशित झालेली होती. तर गोगावादी गिरीश गांधी हे त्या परिषदेचे स्वागताध्यक्ष. तेव्हा गिरीश गांधीच्या "स्वागताध्यक्ष" पदावर मी स्वत: आक्षेप घेवुन ह्या संदर्भात सोशल मिडियावर बरेच लिखाण केले होते. सदर परिषदेचे स्वागताध्यक्ष म्हणुन नामांकित आंबेडकरी साहित्यिक *प्रा. डॉ. गंगाधर पानतावणे* कां नाहीत...? आंबेडकरी चळवळी बाहेरील जातीयवादी गिरीश गांधीची निवड कां ? हा माझा अहमं प्रश्न होता. इथे गिरीश गांधीनी केलेल्या उपदव्यापाबद्दल आता लिहिणे बरे नाही ! तसेच नागपुरातील समस्त आंबेडकरी साहित्यीकांचा वाढता विरोध बघता, सदर घोषित जागतिक साहित्य परिषद ही रद्द करण्यात आली. प्रश्न असा की, *"आंबेडकरी - बौद्ध साहित्यिक हे समाजाच्या नैतिक विचारवादाचा आरसा आहेत...!"* समाजाला ह्या साहित्यिकांकडुन उचित अशा दिशा आणि मार्गदर्शनाची अपेक्षा आहे. जर ती मान्यवर अनैतिकवादाची री ओढुन समाजाला आपली शेपटी पकडुन मुकपणे सोबत यावे, अशी अपेक्षा करणार असतील तर त्यांना फालो करावे वा त्या विरोधात आवाज उठवावा. हा भाव आपण विद्वान समाज भावावर सोडलेला बरे.. ! कारण अलीकडे महाराष्ट्राच्या सामाजिक न्याय विभागाने नागपुरात घेतलेली "आंतरराष्ट्रिय शांतता व समता परिषद" हा असाचं एक प्रयोग होता. तेव्हा आपण सर्वांच्या बुध्दीच्या कसोटीवर ह्याचा सर्वांगी विचार व्हावा. ह्या अपेक्षेत...!!!

* * * * * * * * * * * * * * * * * * * * * * *
* *डॉ. मिलिन्द जीवने 'शाक्य', नागपूर*
         (भारत राष्ट्रवाद समर्थक)
* राष्ट्रिय अध्यक्ष, सिव्हिल राईट्स प्रोटेक्शन सेल
* मो.न. ९३७०९८४१३८, ९२२५२२६९२२