💧 *ह्या रमाईच्या आसवाला.....!*
              *डॉ. मिलिन्द जीवने 'शाक्य'*
               मो.न.९३७०९८४१३८

ह्या रमाईच्या आसवाला भीमाचा वास होता
बाबांच्या प्रेम पत्राला जगण्याचा नाद होता...

गोव-या थापतांना भारी श्रमाचा मारा होता
कटु आसवे पितांना दु:खाचा ना भाव होता
अरे आईच्या कुशीत भीमबाचा साद होता
क्रांतीने तुझ्या नावे इतिहास घडला होता....

राजरत्नाच्या जाण्याने बाबांना तो घात होता
कफनाच्या खर्चालाही खिशात ना पैसा होता
फाडुन तु पदर अंत संस्कारा दिला होता
बाबांच्या वेदनांना अग हा मोठा घाव होता...

विलायत जातांना भीमाला तुझा साथ होता
ओथंबलेल्या आसवांनी तुझा तो बाय होता
शब्दमय मनाचा बाबाला तुझा धीर होता
तुझ्या जाण्याने बाबांचा आधार खचला होता...

* * * * * * * * * * * * * * * * * * * *