🌹 *स्वप्नात आलेली ती करोना...!*
         *डॉ. मिलिन्द जीवने 'शाक्य',* नागपूर
           मो.न. ९४७०९८४१३८

कालच्या त्या धकाधकीत
सर्व काही कामे पार पाडल्यानंतर
सहज ऑफिस खुर्चीवर
माझ्या डोळ्यांनी विसावा घेतला
आणि अक्षरशः करोना (व्हायरस)
माझ्या स्वप्नात आली
आणि हळुवारपणे ती मला म्हणाली
चलं मिलिंद, आपण प्रेम करू यां !
तु आज एकटा निवांत दिसतोसं
आणि मी सुध्दा एकटी निवांत आहे.
मी म्हणालो -
अगं, तु आज कशी काय फ्री आहेसं ?
चीन मधुन तु नियंत्रण करीत असतांना
समस्त जगाला पालथं घातलेसं
माझ्या भारताला ही सोडले नाहीसं !
तेव्हा ती म्हणाली -
अरे हो...! तुझं बरोबर आहे
परंतु भारत देशाचं कर्जबाजारी होणे
सोबत जातीव्यवस्था जोपासत असतांना
मला मानवतावाद दिसलेला नव्हता
वाटलं, ही तर छान भुमी आहे
माझ्या व्हायरस लागणीला...!
परंतु काल बुध्दाचं दर्शन झालं
आणि वाटलं आता इथे थांबायला नको
म्हणुन मला निवांत वेळ मिळाली
तुझ्याशी बोलायला - प्रेम करायला
आणि वरून तु डॉक्टर रे
माझी लागण तुला होवू देणार नाही.
तिच्या ह्या प्रेम आवाहनाने
मी हळुच तिला म्हटले -
अगं हो, पण आपलं हे प्रेम
किती घटकांचं असणार आहे?
कारण तु सोडुन जाणार आहेस नां !!!
ती लाजत लाजत म्हणाली -
अरे, तु लिखाण करणारा
माझ्यावर तु काही तरी लिहिशील
ती आठवण मी माझ्या हृदयात कोरीलं
चिरकालं, तुला कधी नां विसरण्याकरीता...!
आणि हळुचं मी माझे डोळे उघडले
आणि बघतो तर काय ?
स्वप्नात आलेली ती करोना
फार दुरवरं निघुन गेलेली होती
कायमचीचं माझ्यापासून...!
ह्या आयुष्यातुन...!
कधी न भेटण्याकरीता...!!!

* * * * * * * * * * * * * * * *