🌹 *ह्या मनावर प्रेम करावे ...!*
          *डॉ. मिलिन्द जीवने 'शाक्य' नागपूर*
          मो.न. ९३७०९८४१३८, ९२२५२२६९२२

ह्या फुलांवर प्रेम करावे, ह्या मनावर प्रेम करावे
सुखकर सह जिवनसाठी, बुध्दाला मी शरण जावे

फुलपाखरा संग रमतांना, भान मी हरपुन जावे
फुलकणांचे शोधन करुनी, क्रांती गुणाचे युग यावे
मोगरा फुलाच्या सुगंधाने, विष दोषाचे हरण व्हावे
गुलाबाच्या सौंदर्यामधुनी, बुध्द गुणांचे दर्शन व्हावे

वेलींच्या ह्या वाढ गुंतेतुन, जन मनांनी गुंतुन जावे
त्या फुलछटा वर्षावानी,माझे आसमंत फुलुन जावे
कोमल तुझ्या भावामधुनी, मी तुझ्यावर प्रेम करावे
बुध्द मनाची तु प्रतिक रे,माणसांनी तुझे गुण घ्यावे

पक्षी जातींच्या जगामध्ये, जनमनाने गवसनी द्यावे
जातीभेद जन दोषावर, आकाशातुन सु-वाणी यावे
विषमतेच्या जन वा-याने,माणसांचे कां घात करावे
निसर्गभाव जगामध्ये, जनमनाने ना ही दास व्हावे

* * * * * * * * * * * * * * * * * * * * * * *