🐍 *भारतीय राजनीतीतील पक्षांतराचा चालणारा नंगानाच आणि बसपा - वंचितचा कोबरा डांस...?*
            *डॉ. मिलिन्द जीवने 'शाक्य', नागपुर*
            राष्ट्रिय अध्यक्ष, सिव्हिल राईट्स प्रोटेक्शन सेल
             मो. न. ९३७०९८४१३८, ९८९०५८६८२२

         *"ज्याचे जसे कर्म, तसा तो फळ भोगे...!"* आमच्या बालवयात वडिलधा-या मंडळींनी बोललेले ते भाव शब्द आज अचानकपणे कांग्रेस राजनीतिच्या मृतशय्येवर असतांना सहजपणे आठवून गेले. आणि खरे सांगायचे तर कांग्रेसची ही आजची दुर्दशा बघुन मनाला थोडे बरे वाटले. परंतु त्याच क्षणी भाजपाच्या धर्मांध सत्ता राजनीतिच्या बहु-अतिरेकवादाने ह्या मनाला पुर्णत: रक्तबंबाळही केले. *"देशात चाललेल्या अशा ह्या नीतिहिन राजकारणात बसपा आणि वंचित आघाडीने कुठे तरी आपल्या प्रामाणिक आंबेडकरी राजनीतिक निष्ठेचा प्रभाव दाखवावा, अशी जनतेची मनोमन भावना असतांना आम्हाला मात्र इथे त्यांचा कोबरा (काळा नाग) डांस पहायला मिळतो आहे...!!!"* ह्यापेक्षा जास्त दु:ख जनतेला कोणते असणार आहे ??? राजकारणाच्या कुस्तीमध्ये कोणीही विरोधी पक्ष असो वा सत्ताधारी पक्ष असो, जेव्हा ते देशामध्ये अतिरेकवादाला जन्माला घालतात वा त्या विचाराच्या ते आहारी गेलेले असतात आणि जनतेमध्ये त्या आक्रोशाच्या विरोधात विद्रोह असतो, तेव्हा निघणा-या तप्त ज्वालामध्ये शहाण्या राजकिय पक्षांनी आपल्या थंड विचाराची मदार चालवुन राजनीति करने कधीही फायद्याचे ठरत असते. *"बसपा - वंचित आघाडी ह्या राजकिय पक्षाला अशा आणिबाणी वातावरणात एकत्रपणे येवुन ह्या क्षणाचा फायदा घेता येत नसेल तर, तुम्ही राजकारण करण्याच्या बिलकुल लायकीचे नाहीत !"* असा सारासार निष्कर्ष काढल्यास ते चुकीचे ठरणार नाही.
        कांग्रेस ह्या राजकिय पक्षाकडे नसलेले सशक्त आणि विचारशाली नेतृत्व आणि त्यातच लोकसभा निवडणुक २०१९ मध्ये झालेला कांग्रेसचा शर्मसार पराभव...! *"इतकेच नाही तर लोकसभा - विरोधी पक्ष म्हणून नसणारे बलाबल ही कांग्रेस पक्षाच्या मरणाची एक दास्तान म्हणावी लागेल...!"* ह्या मरण सरणावर पुनश्च गोवा, कर्नाटक समान राज्यात कांग्रेसची झालेली पक्षांतर विरोधी बेहाल वाताहत ही कांग्रेसच्या मरणाला अग्नि देणारे दिसते आहे. पुढे भविष्यात पंजाब, मध्य प्रदेश ह्या राज्यातील कांग्रेसी सत्ता शासनाची अंतिम घटका जास्त दुर अाहे काय? हा प्रश्न कांग्रेसने स्वत:लाच विचारलेला बरा....!!! *तसे बघितले तर कांग्रेसी मराठा शरद पवारांनीच कांग्रेसचा बंट्याधार करण्याचे मोठे पाप केलेले आहे."* शिवाय आंबेडकरी सशक्त *"भारतीय रिपब्लिकन पक्षाची"* केलेली गटमय वाताहत ही...!!! आणि ही नियती सुध्दा अशा पापीं राजकीय लोकांना शिक्षा ही देत असते. आज शरद पवारांच्या *"राष्ट्रवादी काँग्रेस पक्ष"* हा लकवाग्रस्त झाल्याचे बघुन आमच्या वडिलधाऱ्या मंडळीचे बोल हे खरे ठरल्याचे दिसुन येते. आणि *"आम्हाला शरद पवारांचे हे राजकिय लकवाग्रस्त रुप पाहतांना, राजकीय इतिहासातील शक्तीशाली शरद पवार हेच आहेत वा नाहीत...?"* असा प्रश्न उभा होतो.
        कांग्रेसी विचारधारेची मराठा नेता शरद पवारांच्या *"राष्ट्रवादी कांग्रेसला"* भाजपा सत्ता दलाने राजकीय ग्रहण लावलेले असतांना शरदचंद्र पवार वेदनामय होवुन बोलुन गेले की, *"विधानसभा निवडणूका जवळ आल्याने विरोधी पक्षाच्या लोकप्रतिनिधीवर दबाव टाकत त्यांच्या मागे केंद्र - राज्य सरकारच्या विविध तपास यंत्रणाचा ससेमिरा लावुन धमकावण्याचे काम राज्यकर्त्यांकडून सुरू आहे. महाराष्ट्रात सत्तेचा एवढा टोकाचा गैरवापर आतापर्यंत कधीचं झाला नव्हता....!"* अहो शरदराव, आपण किती खोटे बोलणार...? काय धमकी देण्यात तुम्ही काय कमी वस्ताद होता...? डॉ. आंबेडकर मराठवाडा विद्यापीठ आंदोलनात तुम्ही किती आंबेडकरवाद्यांच्या छातीवर बंदुकीच्या गोळ्या झाडल्यात....? किती आंबेडकरी शहिद झालेत? तुमच्या मराठा सत्ता काळात किती तरी मागासवर्गीय स्त्रीयांची अब्रु लुटली गेली? *"आंबेडकरी निष्ठेच्या रिपब्लीकन पार्टी ऑफ इंडिया या पक्षाची तुम्ही तर पुर्णपणे वाट लावली....!"* शुगर लॉबीला सशक्त करण्यासाठी मागासवर्गीय योजनांच्या पैश्याचा काय आपण कमी दुरुपयोग केला...??? तुमच्या त्या दुष्कर्मानेचं तुम्हाला आज ह्या वळणावर आणुन ठेवलेले आहे...! तुमच्या सत्ता राजकारणातील त्या मनमानी सत्ता वादावर खरे तर एक मोठे पुस्तक लिहिले जावु शकते...! इतका तुमच्या सत्ताकाळाचा भयान इतिहास आहे. आता राहिला प्रश्न - *"भाजपा सत्ता काळात तुमच्या अनेक आमदार नेत्यांंच्या मागे लागलेल्या विविध तपास यंत्रणेच्या ससेमिरेचा....?"* अहो ही तर सत्य वास्तविकता आहे. त्या आमदार नेत्यांना खरे तर फाशीचं द्यायला हवी...! आमदार बनण्याचा अधिकार तुम्ही आणि तुमच्या त्या मराठा आमदारांनी केव्हाचाचं गमावलेला आहे...!!!
       शरद पवारादी मराठ्यांची सत्ता महाराष्ट्रातुन पुर्ण हद्दपार झाल्यानंतर आपणाला *"मराठा आरक्षणाची आठवण झाली...!"* *"महाराष्ट्राचा मुख्यमंत्री हा फक्त मराठा व्हायचा."* एवढी तुमची दादागिरी होती. अहो, तुम्ही मराठ्यांची इतके वर्षे सत्ता असतांना *"काय झक मारत बसला होता...?"* अनुसूचित जाती / जनजाती / मागासवर्गीय समुहाच्या आरक्षणाची कधी तरी पुर्ण पुर्तता केली काय ? आम्ही सत्ताकाळातील तुमची ती मस्ती फार जवळुन बघितली आहे...! *"डॉ. आंबेडकर मराठवाडा विद्यापीठ नामांतरण करणे, ही शेवटी आपली मजबुरी झाली होती."* आता जास्त न बोलता आपण ह्या सक्रिय राजकारणातुन निवृत्ती घ्या...! वय फार झालं...! बुद्धी आणि मनाला आराम द्या...!!! *"कारण भाजपा ला सत्तेवर आणण्यासाठी मदत करणारे तुम्हीच...!!!"* विसरले कां ते दिवस...? तुम्हीच तर त्या विषारी सापाला दुध पाजले. आणि त्या विषारी सापाला तुम्ही छेडल्याने त्या सापाने तुम्हाला दंश केला...! ही तर विषारी सापाची प्रवृत्तीचं असते...! *"हा निसर्ग नियम आहे...!"* आणि तुम्ही त्या निसर्ग नियमातून कसे बरे सुटणार...??? तसे बघितले तर - *"कोणतेही राजकिय पक्षांतर करने, हे नैतिकतेलाचं काय तर कायदा विरोधी असे वर्तन आहे."* कांग्रेसने ज्या अनैतिकता / चुका (?) आपल्या सत्ता काळात केलेल्या होत्या, भाजपा ने त्याची फक्त री ओढली...! शेवटी तुम्ही दोघेही *"अनैतिक नंगावादाचे पुरस्कर्ते"* आहात...!!!
      भारतीय समाजात ब्राह्मण - उच्च वर्णिय समुहाची प्रतीशत संख्या ५% च्या वर नाही. आणि बहुसंख्यक समाजाचे प्रतिशत ८५% असतांना सोबत अल्पसंख्याक धर्म समुहाचे प्रतिशत जवळ पास १०% असतांनाही, *"हा बहुसंख्यक समाज (अनुसूचित जाती / जनजाती / ओबीसी ) आणि अल्पसंख्याक धर्म समाज (बौद्ध / मुस्लिम/ पारशी इत्यादी) हा ब्राम्हणी समुहाचा गुलाम कां...?"* हा फार गंभीर प्रश्न आहे. बहुसंख्यक समुहातील *"महार / बौद्ध "* हा समुह सोडल्यास अन्य लोग हे *"देववाद - धर्मवाद - कर्मवाद"* ह्याच्या आहारी जावुन *"धर्मांध "* झालेले आहेत. आणि *"ब्राम्हण सत्ता वादाचे गमक हे त्याचे फलित आहे."* ही बहुसंख्यक मंडळी त्या देववादातुन बाहेर पडण्यास तयार नाही. *"महत्त्वाचे म्हणजे त्या देववाद - धर्मवाद - कर्मवादाची आर्थिक व्यवस्था ही ब्राह्मण वर्गाकडे आहे...!"* हीच आर्थिक व्यवस्था ही भारताच्या बहुसंख्यक समाजाला *"सामाजिक गुलामीतुन"* बाहेर न पडण्याकरीता आपले डाव खेळत आलेली आहे. त्या सोबतीला *""भांडवलशाही व्यवस्था"* ही आहेच. भारतीय संविधानाने आपल्याला *"राजकीय समानता"* दिलेली असतांना डॉ. बाबासाहेब आंबेडकरांनी *"भारत देशात आर्थिक - सामाजिक समता"* प्रस्थापित करण्याचा विचार ते बोलुन गेलेत. आम्ही ह्या दिशेने अजून तरी उचित पाऊल उचललेले दिसुन येत नाही. मग आम्ही *"सत्ता केंद्रस्थानी"* कसे असणार???
        बहुसंख्यक समाजाचे प्रतिनिधित्व करणारे राजकीय पक्ष - *"बहुजन समाज पार्टी - रिपब्लीकन पार्टी ऑफ इंडिया - भारिप बहुजन महासंघ  - वंचित आघाडी "* समान अनेक पक्ष आपल्या देशात दिसुन येतात. *"कांग्रेस - भाजपा - कॅमुनिस्ट है पक्ष बहुसंख्यक समाजाचे हित जोपासणारे राजकीय पक्ष नसुन ते भांडवलशाही चे रखेल असणारे पक्ष आहेत...!"* परंतु आपण आपले राजकारण त्यांच्या सभोवताल केंद्रीत करीत आलेलो आहे. आणि हेच आपल्या *"आर्थिक आणि सामाजिक गुलामी"* ला कारक ठरले आहे. सोबत बहुसंख्यकांच्या राजकीय पक्षांनी कधी तरी एकत्र येवुन *"सत्ता केंद्रियकरणाच्या दिशेने कधी उचित पाऊल उचललेले दिसुन येत नाही. सशक्त रिपब्लीकन पक्षाची गट वाताहत होत असतांना मात्र त्या पक्षाला सशक्तीकरण करण्याच्या दिशेने घेवुन न जाणे, ही फार मोठी चुक म्हणावी लागेल...!"* पुढे बसपा ची निर्मिती असो वा - भारिप बहुजन महासंघ निर्माण असो वा - वंचित आघाडीचा प्रयोग असो, आज रिपब्लीकन मुव्हमेंट ही पुर्णपणे भरकटलेली आहे. अॅड. प्रकाश आंबेडकरांचा पक्ष हा महाराष्ट्रात थोडा फार सशक्त आहे. रामदास आठवलेंचा पक्षसुध्दा काही प्रमाणात सशक्त होता. आज तो पुर्णपणे विस्कटलेला आहे. बाकी नेत्यांचे रिपब्लीकन गट हे फक्त *"रिपब्लीकन पार्टी ऑफ इंदोरा"* समान सिमित आहेत. बहुजन समाज पार्टीने संपूर्ण भारतात आपले साम्राज्य विस्तारले असले तरी ही, ती कांशीरामजींच्या विचारापासुन फार दुर गेलेली आहे. मायावतींनी बसपाला परिवारवादात गुंतवून ठेवणे, हे बसपा ला पुढे धोकादायक ठरणारे आहे. हा इतिहास आपण थोडासा बाजुला सारुन आजच्या संदर्भात *"बहुसंख्याक राजनीति "* चा विचार करणे गरजेचे आहे. तेव्हा बसपा - वंचित आघाडी ह्यांनी रिपब्लीकनच्या अन्य गटांना तसेच ओबीसी - भटक्या जाती समुहाच्या पक्षांना सोबत घेवुन *"४०:४०:२०" ह्या फार्मुल्या वर (४०% बसपा - ४०% वंचित आघाडी - ५% रिपब्लीकन गट - १५% ओबीसी भटक्या पक्षाकरीता)"* प्रमाणे राजकीय वाटाघाटी करने गरजेचे आहे. बसपा असो वा प्रकाश आंबेडकर असो,  ह्यांनी हा मुद्दा प्रतिष्ठेचा न करता ह्या दिशेने पाऊल उचलल्यास *"बहुसंख्याक राजनीतीची नविन सकाळ येणे" हे फार दुर नाही.* फक्त स्व-अहमं सोडून ख-या इच्छा शक्तीची आता गरज आहे....!!!

* * * * * * * * * * * * * * * * * * * * * * *
* *डॉ. मिलिन्द जीवने 'शाक्य', नागपूर*
राष्ट्रीय अध्यक्ष, सिव्हिल राईट्स प्रोटेक्शन सेल
मो. न. ९३७०९८४१३८, ९८९०५८६८२२