👁  *विभत्स धर्म संस्कृती...!*
                 *  *डॉ. मिलिंद जीवने 'शाक्य'*
                     मो.न.९३७०९८४१३८

ह्या निसर्ग बागेतील
विविध रंगाच्या - गंधाच्या
फुल - झाडांना हसतांना बघुन
मिळणारा तो आनंद
शब्दांनी व्यक्त करतांना
शब्दही अपुरे पडत असतात
आणि त्यातचं
विभत्स धर्म संस्कृतीच्या
बढावखोर बाता मारतांना
स्त्रीला भर रस्त्यावर नग्न करुन
तिच्या अब्रूची मिरवणूक काढल्यावर
आर्त असणारी ती हाक
तु ऐकलीस नाही, मित्रा...!
ती रडतांना सारखी बोलत होती
जे झाकायचे असते
ते भर रस्त्यावर
तु सर्वां समोर खुले करतांना
तुला काहीच वाटले नाही...!
अरे, तुझ्या जन्माची ती साक्ष आहे
आणि तु रडत असतांना
तुला भुख लागली म्हणून
तुझ्या समोर ते खुले करतांना
दुधाचा घोट देणारी ती धारा
ही फक्त तुझ्याचं करिता होती रे
आणि तु तिचे हे प्रदर्शन मांडलेसं...!
बेटा, ती उच्च धर्म संस्कृती म्हणून
त्या विभत्सवादाचे
कसले गोडवे गात आहेस?
गुरुच्या पत्नीवर बलात्कार
आंघोळ करणा-या स्त्रीचे वस्त्र चोरी
स्वत:च्या पत्नीवर लांछन
स्वत:च्याही मुलीवर बलात्कार
दुसऱ्याच्या बायकोला पळवुन नेणे
प्रेमाचा भाव सांगितले तर नाक कापणे
जुगारात स्त्रीला डावावर लावणे
भर सभेत स्त्रीचे वस्त्रहरण करणे
स्त्रीला पाच भावांची पत्नी बनविणे
मुख - जांघातुन गर्भधारण विचार
इत्यादी कु-भावाची यादी
ह्याला आदर्शवाद म्हणावा काय?
मी एक आई आहे
म्हणून कदाचित तुला माफ करेल...!
पण तुझ्या त्या बहिणीचे काय?
अजुन तिने सांसारिक विश्वात
पाऊल ठेवलेले नसतांना
तु तिच्या अब्रुचे धिंडवडे काढलेसं!
ह्याला तर माफी नक्कीचं नाही
तु नराधम आहेस
तुला तर फक्त फाशी हवी
आणि ते ही भर रस्त्यावर
ह्या विभत्स धर्म संस्कृतीला
कायमची मूठमाती देण्याकरिता...!!!

* * * * * * * * * * * * * * * * * * *